भोर्लेटार, लमजुङ। असोज ३० गतेको ६८ औ प्रहरी दिवसलाई लक्षित गर्दै ईलाका प्रहरी कार्यालय भोर्लेटारमा कार्यरत प्रहरी कर्मचारीहरुलाई प्रवचन तथा योग अभ्यास कार्यक्रम सम्पन्न भएको छ । आज शनिबार बिहान ब्रम्हकुमारी ईश्वरीय राजयोग केन्द्र भोर्लेटारले ईलाका प्रहरी कार्यालय भोर्लेटारमा कार्यारत प्रहरी कर्मचारीहरुलाई प्रवचन तथा योगाभ्यास गरेको थियो ।

सो कार्यक्रममा ब्रम्हकुमारी ईश्वरीय राजयोग केन्द्रकी सदस्य रेश्मा गिरीद्वारा सकारात्मक सोज, तनाव व्यवस्थापन, असल विचार, खुशी हुने विधि, नैतिकता, सत्कर्म, सादा जीवन ,योगाका प्रकार र अभ्यास सम्बन्धी विविध विषयमा प्रकाश पारी अन्तमा विजया दशमी, दिपावली र छठ पर्वको शुभकामना आदन प्रदान गरी कार्यक्रम सम्पन्न भएको ईप्रका भोर्लेटारका प्रहरी निरिक्षक राजाराम खडकाले बताए।