कास्की। अन्नपुर्ण गाउपालिकाले दशै तथा तिहारलाई लक्षित गर्दै बजार अनुगमन र भत्ता बितरण गरेको छ।

कार्तिक २ र ३ गते बजार अनुगमन र मिति गुज्रिएको खाद्यान्न नष्ट नागडाँडा, काँडे, लुम्ले , नयाँपुल बजार क्षेत्रमा र वडा ४ सल्यान गाउमा गाउपालिका अध्यक्ष बिष्णु बहादुर केसिको उपस्थितिमा गरिएको थियो। अशक्त र वृदाहरुलाई घर घरमा पुगेर भत्ता बितरण गर्ने कार्यले बैक पुगेर लाईन बस्ने र आवत जावतमा झेल्न पर्ने समस्याबाट मुक्त भएको स्थानिय सल्यान बासिले बताउछन।

त्यस्तै उपभोक्ताहरुको गुनासो र बजार क्षेत्रमा हुनसक्ने शंकास्पद गतिविधिलाई ध्यानमा राखी अन्नपूर्णबासी आम उपभोक्ताहरुको हितलाई मध्येनजर गर्दै बजार अनुगमन गरिएको र  बजार अनुगमनको क्रममा भेटिएका कमि कमजोरीहरुलाई सच्याउनको लागी व्यापारी-ब्यवसायिहरुलाइ चेतावनी दिदै थालिएको अनुगमनको क्रममा भेटिएको म्याद नाघेको तथा खान अयोग्य खाद्य सामानहरु जफत गरि नष्ट गरिएको थियो।

गाउँ पालिका अध्यक्ष केसी, वडा अध्यक्ष आइन्दल गुरुङ , वडा सदस्य मन बहादुर गुरुङ ( सन्तोष ), प्रहरि र Nic Asia बैंकको समन्वयमा घर घरमा गएर भत्ता वितरण गरिएको वडा सदस्य मन बहादुर गुरुङले सारंगी न्युजलाई बताए।