दसैँ आयो घुमेर (बालकविता)

–कल्पना अधिकारी भट्टराई

दसैँ आयो घुमेर

आँगनमा ल हेर

मखमली फुलेका

सयपत्री झुलेका

आकाशमा हटेर

कालो मैलो बादलु

खुसियाली छाएर

बज्न थाले मादलु ।

खाली मेरो गाउँमा

चहल्पहल् बढेछ

हेर डाँडा पाखामा

बेग्लै लाली चढेछ।

बाबा हाम्रा बाहिर

खानुहुन्छ जागिर

भोलि बाबा आउने रे !

नयाँ नाना लिएर

नयाँ नाना लगाई

चिची खाई रमाई

पिङ खेल्न जाने हो

बाको हात समाई ।

टीका थाप्दै हिँड्ने हो

निधारमा भरेर

खुत्रुकेमा राख्ने हो

पैसा जम्मा गरेर।

दसैँविशेष बालकविता बालसाहित्य

यहाँ प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक र ट्विटरमा पनि जोडिन सक्नुहुन्छ । हामीसँग तपाईं फेसबुक र ट्विटरमा पनि जोडिन सक्नुहुन्छ ।