दसैँको रमाइलो (बालकविता)

-सुशीला शिखा थापा, काठमाडौँ

दसैँ आयो आए हाम्रा खुसीका दिन

बाबा बजार जानु भयो नयाँ लुगा र खसी लिन

न त स्कुल जानु पर्ने न त हुन्छ काम

साथीसंगी खेली रमाई मासु भात खाम

लिङ्गे पिङ खेल्छौँ हामी जोडी बनी बनी

टीका लगाइ पैसा पाउँदा बन्छौँ हामी धनी ।

दसैँ घरमा जमरा राखी देवी पूजा गर्ने

दसौँ दिनमा मान्यजनले टीका जमरा लगाइ दिनु पर्ने ।

टीका लगाउन आउने जाने गरिरहन्छन् साथी

सबै जना भेटघाट हुँदा लाग्छ खुबै जाती ।

हेर हेर महान् चाड दसैँ आयो साथी

सबै जना खुसी देख्दा सारै हुन्छ जाती ।

—————————————————-—————————————————–

दसैँविशेष बाल साहित्य बालकविता बालसाहित्य

यहाँ प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक र ट्विटरमा पनि जोडिन सक्नुहुन्छ । हामीसँग तपाईं फेसबुक र ट्विटरमा पनि जोडिन सक्नुहुन्छ ।