दसैँ (बालकविता)
– लक्ष्मी रेग्मी खनाल`चक्षु´
खेतभरि पहेँलो धान कोदो फुल्यो बारीमा ।
बाबा गए बाँसघारीमा आमा नयाँ सारीमा ॥
बाँस काटेर पिङ बनाई दिनुभयो बाबाले ।
म पनि त ! राम्री भएँ फूलबुट्टे जामाले ॥
घर पोत्नलाई कमेरो र रङ्ग चाहिने रातो ।
पिठो कुट्न गाउँभरी चले ढिँकी जाँतो ॥
छर्न थाले जमरा , बास्ना आयो रोटीको ।
मलाई पनि दर्शन गर्न मन काली कोटीको ॥
दाजु पनि लाहुरबाट आए बोकाइ भरिया ।
मख्ख परिन् भाउजूदेखि नयाँ फरिया ॥
नौ दिनसम्म नौ देवीको दुर्गा पूजा गर्ने।
सत्यको जित भई यहाँ असुरहरूले हार्ने ॥
दसैँको दिन रातो टीका यो मन खुसी अति ।
आउन साथी गनौँ पैसा भयो कति कति ॥
पूर्णिमाको भोलिपल्ट स्कुल जानुपर्छ ।
नबिर्सनु साथी हाम्ले होमवर्क गर्नुपर्छ ॥
यहाँ प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक र ट्विटरमा पनि जोडिन सक्नुहुन्छ । हामीसँग तपाईं
फेसबुक र
ट्विटरमा पनि जोडिन सक्नुहुन्छ ।
Advertisement
यो खबर पढेर तपाईलाई कस्तो महसुस भयो ?
प्रतिक्रिया
सम्बन्धित खवर
माघ १५, २०८२ बुधबार 127 Views
माघ १, २०८२ बुधबार 453 Views
