![](https://saranginews.com.np/wp-content/uploads/2022/04/see.jpg)
काठमाडौं । २०८० मा सञ्चालित माध्यमिक शिक्षा परीक्षा (एसईई) को प्रकाशित भएको छ । राष्ट्रिय परीक्षा बोर्ड, परीक्षा नियन्त्रण कार्यालय (कक्षा १०) को बिहीवार विहान बसेको बैठकले परीक्षाफल प्रकाशित गर्ने निर्णय गरेको हो ।
बोर्डका अनुसार परीक्षामा सहभागी चार लाख ४४ हजार ७८५ जना विद्यार्थीमध्ये ४७.८६ प्रतिशत विद्यार्थीमात्रै उत्तीर्ण भएका छन् भने ५२.१४ प्रतिशत परीक्षार्थीले ननग्रेड (एनजी) ल्याएका छन् । एसईईमा १८६ जनाले ४ जीपीए ल्याएका छन् । त्यस्तै २२१ जनाको परीक्षा रद्द भएको छ ।यसपालिको परीक्षामा ४,६४,७८५ विद्यार्थी सहभागी भएकोमा २,४२,०९२ को एनजी आएको छ ।
![](https://saranginews.com.np/wp-content/uploads/2024/07/IMG-20240701-WA0000-220x300.jpg)
![](https://saranginews.com.np/wp-content/uploads/2024/07/IMG_20240701_170024-257x300.jpg)
![](https://saranginews.com.np/wp-content/uploads/2024/07/IMG_20240701_170014-240x300.jpg)
![](https://saranginews.com.np/wp-content/uploads/2024/06/IMG-20240630-WA0000-300x214.jpg)
प्रकाशित २०८० सालको नियमित तथा ग्रेडवृद्धि परीक्षाको नतिजा विभिन्न तरिकाले हेर्न सकिने बोर्डले जनाएको छ । जसमा वेबसाइट, एसएमएस र आईभीआरका विकल्प रहेका छन् । तपाईंले निम्न तरिकाले आफ्नो एसईई नतिजा हेर्न सक्नुहुनेछ:
यसपटक विभिन्न वेबसाइट, एसएमएस र आईभीआरबाट नियमित तथा ग्रेड वृद्धि परीक्षाको नतिजा हेर्ने व्यवस्था मिलाइएको छ । जसअन्तर्गत नेपाल टेलिकम, स्विफ्ट टेक्नोलोजी, जानकी टेक्नोलोजी, इजी सर्भिस र आकाश टेकले एसईई नतिजा उपलब्ध गराउनेछन् । आईभीआर सेवा भने नेपाल टेलिकमले मात्र उपलब्ध गराउने छ ।
एसएमएसमार्फत नतिजा हेर्ने तरिका
-सबैभन्दा पहिले मोबाइलमा मेसेज एप खोल्नुहोस् ।
-त्यसपछि न्यु मेसेजको अप्सनमा ट्याप गर्नुहोस् ।
-त्यसपछि SEE लेखेर आफ्नो सिम्बोल नम्बर (उदाहरणका लागि: SEE 12345678) टाइप गरी १६०० वा ३४४५५ वा ३५००१ वा ३४९४९ वा ३१००३ एसएमएस पठाउनुहोस् । एसएमएसमार्फत जीपीए मात्र थाहा पाउन सकिन्छ ।
आईभीआर सेवाबाट नतिजा हेर्ने तरिका
नेपाल टेलिकमको आईभीआर मार्फत नतिजा सुन्न १६०० मा कल गरेर अपरेटरले दिएको निर्देशन पालना गर्दै सिम्बोल नम्बर टाइप गरिसकेपछि नतिजा थाहा पाउने सकिनेछ ।
वेबसाइटबाट नतिजा थाहा पाउने तरिका
परीक्षा बोर्डसहित १० संस्थाका वेबसाइटमार्फत एसईई नतिजा हेर्न सकिने छ । सम्पूर्ण विषयमा आएको ग्रेड थाहा पाउनका लागि सिम्बोल नम्बर र जन्ममिति आवश्यक पर्छ ।
-राष्ट्रिय परीक्षा बोर्ड, परीक्षा नियन्त्रण कार्यालय कक्षा १० बाट नतिजा हेर्न यहाँ क्लिक गर्नुहोस् ।
-राष्ट्रिय परीक्षा बोर्ड, सानोठिमीबाट नतिजा हेर्न यहाँ क्लिक गर्नुहोस् ।
-नेपाल टेलिकमबाट नतिजा हेर्न यहाँ क्लिक गर्नुहोस् ।
-स्विफ्ट टेक्नोलोजीबाट नतिजा हेर्न यहाँ क्लिक गर्नुहोस् ।
-इडियु सञ्जालबाट नतिजा हेर्न यहाँ क्लिक गर्नुहोस् ।
-कान्तिपुर पब्लिकेसनबाट नतिजा हेर्न यहाँ क्लिक गर्नुहोस् ।
-खल्ती वालेटबाट नतिजा हेर्न यहाँ क्लिक गर्नुहोस् ।
-ईसेवा लिमिटेडबाट नतिजा हेर्न यहाँ क्लिक गर्नुहोस् ।
-फोनिक्स एजुकेसन फाउण्डेसनबाट नतिजा हेर्न यहाँ क्लिक गर्नुहोस् ।
एनसेल आजियाटा लिमिटेडबाट नतिजा हेर्न यहाँ क्लिक गर्नुहोस् ।