लमजुङ। मध्यनेपाल नेपाल नगरपालिका १ जितामा साउने सक्रान्तिको अवसरमा साउन २ गते देखी शुरु भएको बिष्णु बहादुर गुरुङ एन्ड मन्जा बहादुर गुरुङ राष्ट्रव्यापी खुल्ला रनिङ शिल्ड फूटबल प्रतोयोगिता भोली साउन ८ गते क्वार्टर फाइनल हुने भएको छ।

शुरुमा ४२ टिम भनिएता पनि ३८ टिमको सहभागिता रहेको प्रतियोगिताको छनौट हुँदै जादा हाल सम्म क्वार्टर फाइनलमा आठ टिम पुगेको छ। जस मध्ये भोली हुने पहिलो क्वार्टर फाइनल खेलमा तामाखानी फुउटबल क्लब र खमारी बोट फूटबल क्लब बिच भिडन्त हुनेछ। त्यस्तै दोस्रो खेलमा मानचौका फूटबल क्लब तनहुँँ र होराईजन सोतिपसल बिच भिडन्त हुनेछ। त्यस्तै तेस्रो खेलमा करापुटार क्लब राम बजार र सिसाघाट फूटबल क्लब बिच भिडन्त हुनेछ। त्यस्तै चौथो खेलमा भोर्लेटार भेट्रान्स र गन्ने फूटबल क्लब पोखरा बिच महा भिडन्त हुने भएको छ।

भोलिको क्वार्टर फाईनल सकिए लगत्तै पर्सी साउन ९ गतेका दिन सेमी फाइनल र फाइनल खेल हुने गोल्डेन फ्युचर युवा क्लबका अध्यक्ष राम कृष्ण भुजेलले साराङ्गि न्युजलाई जानकारी गराउनु भएको थियो।