बत्ती आफैं जलेर पनि अन्धकारलाई हटाउँछ, नदीले आफ्ना तट बगाएर पनि गन्तव्य खोज्छ र एउटा साँचो नेतृत्वले आफ्नै त्यागमार्फत समाजमा उज्यालो ल्याउँछ । यस्तै नेतृत्वको प्रतिमूर्ति हुन्–ठग बहादुर क्षेत्री थापा । नेपाली सेनाको अनुशासन, सेवाको भावना र दृढ इच्छाशक्ति बोकेर उनी जैमिनी–५ को सामाजिक रूपान्तरणका संवाहक बनेका छन् ।

सैनिक जीवनबाट समाज परिवर्तनको यात्रासम्म
ठग बहादुर क्षेत्री कुनै साधारण व्यक्ति होइनन् । उनी त्यस्ता दीप हुन्, जसको उज्यालोमा अब हजारौं युवाहरू जागिरहेका छन् । सैनिक सेवाबाट अवकाश लिएको मात्र होइन, उनले अनुशासन, नेतृत्व क्षमता र दृढ संकल्पलाई समाज परिवर्तनका लागि समर्पित गरे ।

सैनिक बर्दी खोले पनि उनले सेवाको भावना कहिल्यै त्यागेनन्, बेरोजगारीको दलदलमा फसेका युवाहरुलाई सही दिशा दिन उनले सीपमूलक तालिमहरू सञ्चालन गरे। गाउँमा छरिएका स्रोतसाधनलाई उपयोग गर्दै उनले स्थानीय विकास योजनाहरूमा पारदर्शिता र जनसहभागिता बढाए। उनका पहलहरूले युवाहरूलाई स्वरोजगार बन्न प्रेरित गर्याे, जसका कारण जैमिनी–५ मा आत्मनिर्भरता बढ्दै गयो।

विकासका कदम : कर्मयोगी नेतृत्वको प्रतीक
सतहमा देखिने संरचना मात्र विकास होइन, मानसिकता बदल्नु नै सही अर्थमा समाज रूपान्तरण हो। थापाको नेतृत्वमा जैमिनी–५ मा स्वच्छ खानेपानीका पाइप बिछ्याइए, जहाँ पहिले सानो झरी पर्दा पनि पानीको अभाव हुन्थ्यो। यत्तपि पानीको अभाव अझै छ । कच्ची बाटाहरूको स्तरउन्नती भए, मुस्कीलले आधा वर्ष चल्ने व्यस्त सडकमा परिणत भए, जसले बजारसम्म किसानको उत्पादन र्पुयाउन सहज बनायो। विरामीले समयमा उचार पाए । अहिले ठग बहादुरको नेतृत्व सुक्खा माटोलाई पानी पिलाउने बादलझैं छ । दुर्गम गाउँका बालबालिकाका आँखा सपनाले भरिन थालेका छन्, किनभने उनीहरूका विद्यालय अब सुधारिएका छन् । सिक्दै कमाउदै छन् । बेसाहाराले सहारा पाएका छन् । आमाहरू अब बिरामी परेपछि उपचार नपाएर बिलौना गर्नु पर्दैन, किनभने स्वास्थ्य चौकीको स्तरोन्नति गरिएको छ । वडा कार्यालय पेपर लेस बनाए । छकालै देखि सन्ध्या सम्म उनको कार्यकक्षमा बत्ति बलिरहन्छ । कुनै मन्त्रालयको झल्को दिने कार्यालय बनाए ।

सकेसम्म आफ्नै गाउँमा अवसर सिर्जना गरौं भन्ने उनको सोचले कृषिमा आधुनिकीकरणलाई प्राथमिकता दियो। नयाँ प्रविधिहरू भित्र्याइए, व्यावसायिक खेतीको अवधारणा स्थापित भयो। शिक्षा र स्वास्थ्यजस्ता आधारभूत आवश्यकता पूरा गर्न उनले प्रभावकारी योजना अगाडि सारे। वडाको सफल सञ्चालन तथा विकास योजनाहरू कार्यान्वयनमा वडा सचिव रुद्र बहादुरको को भूमिका अतुलनीय रहेको स्वयम् थापाले बताउँछन् । क्षेत्रीको नेतृत्वलाई सशक्त बनाउन वडा सचिवले देखाएको सहयोग, प्रतिबद्धता र प्रशासनिक दक्षता गजबको छ ।

चुनौतीहरूको हुरीमा अडिएको पहाड
जसरी ठूलो रुखलाई हुरीले जाँच्छ, ठग बहादुरको नेतृत्वलाई पनि समयको आँधीले बारम्बार जाँचिरहेको छ। सीमित बजेटले उनीहरूको योजनालाई शृंखलाबद्ध रूपमा अघि बढ्न दिँदैन, राजनीतिक तानाबाना कहिलेकाहीँ बिकासको सपनालाई उल्ट्याउन खोज्छ, समाजको पुरानो सोचले परिवर्तनलाई अवरुद्ध गर्न खोज्छ । तर, ठग बहादुर एउटा पर्वतजस्तै अडिग छन्, जुन हिउँदको चिसोले जम्न मान्दैन, वर्षाको भेलले बगाउन सक्दैन। उनलाई थाहा छ – समाज सुधारको बाटो कहिल्यै सहज हुँदैन। जसरी एउटा सगरमाथाले हिउँदको कठ्याङ्ग्रिने चिसो झेलेर पनि उचाइ कायम गर्छ, अध्यक्ष थापाले पनि हरेक चुनौतीलाई पार गर्दै समाजसेवाको आफ्नो लक्ष्यबाट कहिल्यै पछाडि हटेनन् ।

समाधानका उपाय : परिवर्तनको हलो जोत्नुपर्ने समय
एक जना किसानले खेतमा बीउ रोप्न संघर्ष गर्छ, हिलोसँग लड्छ, घामसँग जुध्छ, तर अन्ततः उही किसानको मेहनतले सुन फलाउँछ। ठग बहादुरले पनि यही दर्शन आत्मसात् गर्दै जैमिनी–५ को उज्ज्वल भविष्यका लागि आफ्नो जीवन समर्पण गरेका छन् । सीपमूलक तालिमहरू, महिला सशक्तीकरणका अभियानहरू, वातावरणमैत्री नीति, अनि नयाँ पुस्तालाई अवसर दिने योजनाहरू उनका कर्मभूमिका सन्देश हुन् । क्षेत्रीको नेतृत्वले देखाएको बाटो स्पष्ट छ–यदि युवाहरू संगठित भए, अवसर खोजे, अनि आफ्नो सीपलाई प्रयोग गरे भने समाज रूपान्तरण सम्भव छ । जागरूक नागरिकको भूमिकालाई उनले विशेष प्राथमिकता दिए। युवाहरूलाई राजनीतिमा इमान्दारिता, परिश्रम, र निष्ठाको पाठ पढाउँदै उनले परिवर्तनका अभियानहरू अघि बढाए।

उनको सोच सरल छ–परिवर्तन बाहिरबाट आउँदैन, परिवर्तन हामी आफैंबाट सुरु गर्नुपर्छ। यदि विकास खोज्छौं भने जिम्मेवारी लिन पनि तयार हुनुपर्छ। यही सोचले जैमिनी–५ का युवाहरू स्वरोजगार बनेका छन् । समाजमा उद्यमशीलताको बत्ती बलिरहेको छ । उनको सोच र कार्यशैलीले जैमिनी–५ लाई एक समृद्ध, समावेशी र विकसित वडाको रूपमा स्थापित गरिरहेको छ।

निष्कर्षः उज्यालोको अभियान
जसरी एउटा मैनबत्ती आफैं जलेर उज्यालो दिन्छ, ठग बहादुर पनि समाजका लागि उज्यालो बन्दै अगाडि बढिरहेका छन् । उनको नेतृत्वले कुनै वस्ती मात्र होइन, पुरै समाजको दिशा बदल्न सक्छ । उनी समाज रूपान्तरणका दीप हुन्, जसको उज्यालोमा अब हजारौंले भविष्य देख्न सक्छन् । उनीजस्ता सक्षम, इमानदार, र जोशपूर्ण युवाहरू राजनीतिमा आए भने समाज मात्र होइन, पूरै राष्ट्रको समग्र विकास सम्भव छ।यदि हामी सबैले उनको जस्तै आत्मबल, इमान्दारिता, र समर्पण आत्मसात् गर्न सके, यो समाज साँच्चै एउटा आदर्श समाज बन्नेछ।

क्षेत्री एउटा त्यस्तो नदी हुन् । जसको बहावले सुकेको भूमि उर्वर बनाइरहेको छ। उनी एउटा दीप हुन्, जसले आशाका किरणहरू फिजाइरहेका छन् । उनी एउटा आकाश हुन्, जसको फराकिलो चहकिलो उपस्थितिले समाजलाई नयाँ दिशा देखाइरहेको छ। जसरी सूर्य कहिल्यै अस्ताउँदैन, उनको प्रयास र संकल्प पनि कहिल्यै थाक्ने छैन । शुभकामना ।