म्याग्दीको मालिका गाउँपालिका–५, मगरदाङ्ग स्थित गौ बोमबस्त माध्यमिक विद्यालयमा अध्यानरत विद्यार्थीहरूले विद्यालयबाट निस्कने प्लाष्टिक, बाेतल तथा कागजजन्य फोहोर पुनः प्रयोग गरी शैक्षिक एवं सजावटका सामग्री बनाउन थालेका छन् । कला कुश प्रा.लीकाे पाँच दिने कला शिविर विद्यालयमा अध्यनरत विद्यार्थीले घरका पुराना र काम नलाग्ने सामान पुनः प्रयोग गर्न पनि सिकेका छन् । उनिहरूले सकिएका अभ्यास पुस्तिका तथा पुराना किताबबाट नाेट बुक डायरी तथा ड्राेइङ कपि, स्याम्पु सकिएपछि मिल्काइने बट्टालाई आधा काटेर सुन्दर कलमदानी,पुराना र बिग्रिएका कम्प्याक्ट डिस्क (सीडी) लाई फोटो फ्रेममा प्रयोग गर्न तथा पानीका बोतललाई बीचमा काटेर तल्लो भागमा वरिपरि चार्ट पेपर टाँसेमा पेन वा पेन्सिल राख्न मिल्ने सामान बनाइरकेका छन्। वातावरण संरक्षणका लागि ‘थ्री आर’ अर्थात्, रिड्युस, रि–युज र रिसाइकल विधि महत्वपूर्ण मानिन्छ। कलाकुशाका निर्देशक तथा डिजाइनर शुभद्रा महर्जनले यो विधि थोरै मात्र ख्याल गर्ने हो भने थुप्रै चिजबिजलाई नौलो रूप दिई प्रयोग गर्न सकिने बताइन्। “तर, हामीकहाँ रिसाइकल वा रि–युज गरिएका सामान प्रयोग गर्दा सानो भइन्छ भन्ने मानसिकता छ”, महर्जन भन्छिन्, “यो गलत बुझाइ हटाउन आवश्यक भइसक्यो।” एउटा भनाइ छ– पुनः प्रयोगले एउटा कुरालाई अर्कै बनाइदिन्छ। र, यो काम ‘जादु’भन्दा कम होइन।
यहाँ प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक र ट्विटरमा पनि जोडिन सक्नुहुन्छ । हामीसँग तपाईं
फेसबुक र
ट्विटरमा पनि जोडिन सक्नुहुन्छ ।
Advertisement
