पोखरा, पुस २३ गते । नेपाल शिक्षक महासङ्घ, कास्कीले प्रथम जिल्ला परिषद्को तयारी तीव्र बनाएको छ । पुस २७ गते गोल्डेन हाउस पार्टी प्यालेस, जिरो किमि, पोखरामा हुने परिषद्मा शिक्षक सम्मान र अन्तर्क्रियासँगै शिक्षकका हकहितका विषयमा व्यापक छलफल हुने महासङ्घका सहअध्यक्ष तथा परिषद् व्यवस्थापन समितिका संयोजक डिल्लीराम बरालले जानकारी दिए ।
सोही अवसरमा ‘सङ्घीय शासन प्रणालीमा विद्यालय शिक्षा र स्थानीय तहको भूमिका’ विषयक अन्तर्क्रियासमेत हुने छ । महासङ्घले शिक्षक तथा कर्मचारीलाई स्थानीय भत्ता दिने निर्णय कार्यान्वयनका लागि कास्कीका पाँचओटै स्थानीय तहलाई दबाब दिने निर्णय यसअगि नै गरेको थियो । परिषद्का अवसरमा स्थानीय भत्ता दिलाउन थप पहल गर्नका लागि छलफल हुने सहअध्यक्ष बरालले बताए ।
जिल्ला समिति कास्कीका अध्यक्ष भोलानाथ पौडेलले शिक्षक आन्दोलनका सन्दर्भमा महत्त्वपूर्ण योगदान पुर्याएका शिक्षकहरूलाई विशेष सम्मान गरिने जानकारी दिए । कास्की जिल्लाभरका शिक्षकहरूलाई कार्यक्रममा सक्रियतापूर्वक सहभागी हुन शिक्षक महासङ्घ, कास्कीका सचिव हर्कबहादुर लामिछानेले आग्रह गरेका छन् ।
यहाँ प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक र ट्विटरमा पनि जोडिन सक्नुहुन्छ । हामीसँग तपाईं
फेसबुक र
ट्विटरमा पनि जोडिन सक्नुहुन्छ ।
Advertisement
यो खबर पढेर तपाईलाई कस्तो महसुस भयो ?
प्रतिक्रिया
सम्बन्धित खवर
चैत्र २६, २०८२ बिहिबार 103 Views
चैत्र २२, २०८२ आइतबार 241 Views
