लमजुङ, २३ माघ ।

लमजुङको मध्यनेपाल नगरपालिका–७, करापुटारस्थित प्रसिद्ध धार्मिक तीर्थस्थल श्री ईशानेश्वर महादेव मन्दिर क्षेत्रमा यस वर्षको ‘महाशिवरात्री मेला–२०८२’ विविध धार्मिक एवं सांस्कृतिक कार्यक्रमका साथ सञ्चालन गरिने भएको छ । श्री ईशानेश्वर महादेव मन्दिर क्षेत्र विकास समितिले शनिबार बैठक बसी मेला व्यवस्थापनको पूर्ण खाका र जिम्मेवारी बाँडफाँड सार्वजनिक गरेको हो ।

​धार्मिक अनुष्ठान र महायज्ञ

यस वर्षको मेलाको मुख्य आकर्षणका रूपमा वरिष्ठ कथावाचक पण्डित श्री दीपक सापकोटाज्यूको मुखारवृन्दबाट श्रीमद् भागवत कथा वाचन तथा धनधान्याञ्चल ज्ञान महायज्ञ सञ्चालन गरिनेछ । माघ २९ गते मन्दिर क्षेत्र वरपर कलशयात्रा गरी महायज्ञको समुद्घाटन गरिने र फागुन ४ गते विधिवत् समापन गरिने समितिले जनाएको छ । सन् २०६६ मा स्थापित यस समितिले हरेक वर्ष महाशिवरात्रीको अवसरमा यस्ता आध्यात्मिक कार्यक्रमहरू गर्दै आएको छ ।

​परम्परा र आस्थाको केन्द्र

फागुन ३ गते महाशिवरात्रीको मुख्य दिन यहाँ विशेष रौनक रहनेछ । परापूर्व कालदेखि चल्दै आएको सन्तान प्राप्तिका लागि रातभर ‘ठाडा बत्ती’ बाल्ने, ऐश्वर्य वृद्धि र पितृ उद्धारका लागि जाग्राम बस्ने र श्रीमान्को दीर्घायुको कामनासहित पुरुष बत्ती बाल्ने परम्परालाई यस वर्ष पनि निरन्तरता दिइनेछ । सोही दिन सामूहिक व्रतबन्ध, १०८ धारा स्नान, १०८ शिवलिङ्ग दर्शन, र शिवधुनी लगायतका धार्मिक कार्यहरू हुनेछन् ।

​मेलाका अन्य आकर्षणहरू

मेलामा धार्मिक कार्यका साथै कृषि मेला प्रदर्शनी, करापुटारे ठाडो भाका प्रस्तुति, राष्ट्रिय कलाकारहरूबाट लोक भजन, रामलीलामा आधारित बालुन प्रस्तुति, महिला तथा पुरुष भलिबल र छेलो प्रतियोगिता समेत आयोजना गरिनेछ । मन्दिर क्षेत्रमा मदिरा र मासुजन्य पदार्थको बेचबिखनमा पूर्ण रोक लगाइएको छ ।

​मेला व्यवस्थापनका लागि गठित समिति तथा उपसमितिहरू:

महाशिवरात्री मेला – २०८२’ का अवसरमा सञ्चालित समग्र कार्यको उत्तरदायित्व श्री गुणराज घिमिरेका अध्यक्षतामा गठित श्री ईशानेश्वर महादेव मन्दिर क्षेत्र विकास समितिको रहने छ  घिमिरेको संयोजकत्वमा मूल समिति र ३६ वटा विशिष्ट उपसमितिहरू गठन गरिएको छ:

• ​मूल समिति संयोजक: गुणराज घिमिरे
• ​सह–संयोजक: श्री नेत्र बहादुर के. सी.

​उपसमिति र संयोजकहरूको नामावली:

१. स्वास्थ्य उपचार: श्री धर्मनिधि घिमिरे

२. फोहोर मैला व्यवस्थापन: श्री लक्ष्मण विश्वकर्मा

३. अनुगमन: श्री खगराज घिमिरे (सदस्यहरू: विष्णूहरि, मणिराम, ध्रुवधर र श्रीप्रसाद घिमिरे)

४. सूचना तथा सञ्चार: श्री प्रदिप राज घिमिरे

५. कुपन व्यवस्थापन: श्री बलराम घिमिरे

६. स्वयम् सेवक परिचालन: श्री सुक बहादुर विश्वकर्मा

७. बसेर बाल्ने बत्ती व्यवस्थापन: श्री लक्ष्मण बहादुर विश्वकर्मा

८. ठाडा बत्ती व्यवस्थापन: श्री नवराज घिमिरे

९. अतिथि सत्कार: श्री राज्यलक्ष्मी सोती

१०. आर्थिक व्यवस्थापन: श्री सूर्यनाथ घिमिरे

११. भण्डारा व्यवस्थापन: श्री पुष्पराज घिमिरे

१२. १०८ धारा स्नान व्यवस्थापन: श्री माधव प्रसाद घिमिरे

१३. रङ्ग, रोगन तथा ध्वजापताका: श्री रविचन्द्र घिमिरे

१४. यज्ञ मण्डप व्यवस्थापन: श्री सुकदेव वास्तोला

१५. दान पात्र व्यवस्थापन: श्री कृष्ण मुरारी घिमिरे

१६. भजन चुड्का व्यवस्थापन: श्री हरिकृष्ण घिमिरे

१७. प्रमाणपत्र व्यवस्थापन: श्री शशिराज घिमिरे

१८. विद्युत व्यवस्थापन: श्री केशवराज अधिकारी

१९. गणेश मन्दिर दर्शन: श्री ईश्वरी प्रसाद घिमिरे

२०. नैवेद्य व्यवस्थापन: श्री कृष्ण प्रसाद घिमिरे

२१. शौचालय व्यवस्थापन: श्री दिपक बाबु घिमिरे

२२. खानेपानी व्यवस्थापन: श्री सूर्यकुमार श्रेष्ठ

२३. धान्यपर्व व्यवस्थापन: श्री भिम बहादुर भुजेल

२४. बत्ती बुझाउने व्यवस्थापन: श्री पुष्पराज घिमिरे

२५. पूजा व्यवस्थापन: श्री गोविन्द प्रसाद सोती

२६. सामूहिक व्रतबन्ध: श्री रामचन्द्र सोती

२७. शिव धुनी व्यवस्थापन: श्री चिरञ्जिवी घिमिरे

२८. सदाबर्त दान व्यवस्थापन: श्री चन्द्र किरण घिमिरे

२९. १०८ शिवलिङ्ग व्यवस्थापन: श्री रुद्रनाथ घिमिरे

३०. पार्वती मन्दिर दर्शन: श्री ऋतराज पोख्रेल

३१. जलेश्वर मन्दिर दर्शन: श्री बलराम घिमिरे (भाटबेसी)

३२. गौरीकुण्ड वासुकी नाग दर्शन व्यवस्थापन उपसमिति संयोजक : श्री विनोद बाबु घिमिरे
३३. श्रीराम एवम् हनुमान मन्दिर दर्शन व्यवस्थापन उपसमिति संयोजक : श्री वासुदेव घिमिरे
३४. करापुटारे ठाडो भाका लोक दोहोरी गायन व्यवस्थापन उपसमिति संयोजक : श्री गणेश बहादुर गुरुङ
३५. सचिवालय व्यवस्थापन उपसमिति संयोजक : श्री देवेन्द्र सिंह घिमिरे
३६. पार्किङ एवम् भलिबल तथा छेलो प्रतियोगिता व्यवस्थापन : श्री करापुटार क्लब, रामबजार

क्षेत्र विकास समिति र पुजारी समितिको समन्वयमा हुने यस मेलामा देश–विदेशबाट आउने भक्तजनहरूको सुरक्षा र सुविधाका लागि विशेष प्रबन्ध मिलाइएको मुल समारोह संयोजक क्षेत्र बिकास समितिको अध्यक्ष गुणराज घिमिरेले जानकारी दिनुभयो ।