मध्यनेपाल(लमजुङ)- लमजुङको मध्यनेपाल नगरपालिका वडा नं ०७ भाटबेशिमा गए राती साउन ११ गते पहिरोले पुरिएर मृत्यु भएका विक परिवारलाई १/१ लाख रुपैया र घाइतेको उपचार तथा सम्पुर्ण ब्यवस्थापन खर्च मध्यनेपाल नगरपालिकाले गर्ने भएको छ।

उक्त घटनमा मृत्यु भएका मृतक बुवा टिक बहादुर विक र छोरी विनिता विकको बिपद खर्च स्वरुप जनही रु १/१ लाख रुपैया दिने भएको छ भने घाईते आमा सुक कुमारी बिक र छोरी अस्मिता विकको सम्पुर्ण उपचार खर्च सहित व्यवस्थापनको लागि ५० हजार रुपैयाँ दिने निर्णय गरेको मध्यनेपाल नगरपालिकाको आज बसेको आकस्मिक बैठकले निर्णय गरेको हो।

यस घटनाले अत्यन्तै मर्माहित एवम दुखी बनाएको बताउदै, मृतक प्रती हार्दिक श्रद्धाञ्जली व्यक्त गरी परिवार प्रती गहिरो समवेदना व्यक्त गर्दै घाईते सुक कुमारी विक र अस्मिता विकको शिघ्र स्वास्थ्य लाभको कामना व्यक्त गर्दै, हाम्रो मध्यनेपाल नगरपालिकाको पहिलो प्राथमिकता नै विपद व्यवस्थापन हो त्यसैले उक्त घटनाको लागि हामिले आकस्मिक बैठक बसेर सम्पुर्ण समस्याको समाधान तर्फ कदम उठाएको मध्यनेपाल नगरपालिका नगर प्रमुख रमेश कुमार पाण्डे ज्युले बताउनु भएको थियो।