पोखरा(कास्की)- लमजुङको मध्यनेपाल नगरपालिकाले पोखरामा हिजो बुधबार भाद्र ०३ देखि आइतबार भाद्र ०७ गतेसम्मका लागी एकीकृत घुम्ति शिविर सन्चालन गरेको छ। नगरपालिका भरिका स्थायी बासी, पोखरा र पोखरा आसपासका क्षेत्रमा अस्थायी रुपमा बसोबास गर्दै आएका नागरिकहरुलाई लक्षित उक्त शिविर सन्चालन गरिएको हो।

पोखरा महानगरपालिका वडा नं १० शिव चोक रहेको जनप्रीय टोलमा स्थित डडुवा दुर्छा समाजको भवनमा सन्चालित शिविरमा सामजिक शुरक्षा भत्ता नविकरण, व्यक्तीगत घटना दर्ता, मालपोत तथा सम्पत्ती कर सेवा लगायत नागरिकता, पेन्सन, नाता प्रमाणित जस्ता अति आबश्यक सेवाका सिफारिसहरुको काम भएको छ।

उक्त शिविर बिहान ०८ बजेदेखी बेलुका ०६ बजेसम्मको समयमा सेवाग्राहीहरुले सेवा सन्चालन भै रहेको छ। जुन सेवा दिनका लागि नगरपालिकाको तर्फबाट आलेप अधिकृत श्री विकास सुवेदी, एम आइ एस अपरेटर प्रकाश खनाल, कम्प्युटर अपरेटर अनिल कुँवर, वडा सचिव संजय कुनार शाह छन भने वडा नं ०८ का वडा अध्यक्ष चन्द्र प्रसाद गुरुङ र वडा सदस्य हस्त बहादुर गुरुङ समेत खटिएका छन।

उक्त सेकामा हिजो र आज गरेर मालपोत/सम्पत्ति कर दाता संख्या ११९ जना, सामाजिक सुरक्षा लाभग्राही नविकरण संख्या ८७ जना, व्यक्तिगत घटना दर्ता ११ जना, नागरिकता, पेन्सन, नाता प्रमाणित सिफारिस जस्ता अन्य विविध सेवा लिनेहरुको संख्या १४ जना रहेको थियो।  वडा नं ०८ का वडा अध्यक्ष चन्द्र प्रसाद गुरुङका अनुसार अधिकाँश ०८ नं वडाको सेवाग्राही एवम लाभग्राही पाईएको बताए।