कमरेड सतिसालको कविता- भोटको आयु – Sarangi News

Trend

भोटको आयु
—————

एक क्षण
सार्वभौम मालिक बाँच्दछ भोट

अर्को क्षण
जाँच्न शुरुहुन्छ उसको इन्चीइन्ची आयु

गडगडाहट तालीपछि
सक्किजान्छ भोटको परिचय
सकिन्छ भोटको सार्वभौम आयु

अन्ततः
भोटकै टाउकोमाथि टेकेर
उदाउँछ एउटा नव शासक

शासकले बनाउँछ
आफ्नो अनुकूलताको सत्ता
र बाँच्दछ शासकीय आलीशान जीवन

दिवङ्गत भोटहरू
निराशाको पार्थिव शरीर बोकेर
फर्किन्छन् पूर्ववत्
र गरिरहन्छन्
कान्लोमुनि ट्वारट्वार ट्वारट्वार

र, भोट फेरि कुरिबस्छ
अर्को पाँच वर्षे लामो गौँडा
ता कि
फेरि ऊ अर्को एक क्षण
सर्वभौम मालिक बाँच्न सकोस्

*******

– कृष्ण विश्वकर्मा ‘कमरेड सतिसाल’
भरतपुर महानगरपालिका-११, चितवन

यहाँ प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक र ट्विटरमा पनि जोडिन सक्नुहुन्छ । हामीसँग तपाईं फेसबुक र ट्विटरमा पनि जोडिन सक्नुहुन्छ ।