आजको गजल : कल्पना भुसाल ” कल्पित”

उजाडिएको जिवन मनमा औधी पिर लिएर
हिडिरहेको छु अभागी आफ्नै तक्दिर लिएर

आमा रुँदैछिन छोरो शहर पसेको दिनदेखी
छोरो पागल हुँदैछ प्रेमिकाको तस्बिर लिएर

सरकार तिमी ढक राखेर जोख्ने तयारी गर्नु
म आउदैछु पापी, बलात्कारीको शिर लिएर

न बाटो भेटियो,न गन्तव्यको केहि ठेगान
बाँच्नुपरेको छ यस्तै बेवारिसे शरिर लिएर

मेरो जिन्दगी हौ भने आँसु झार्दा आइपुग्नु
खुशीमा त शत्रु पनि आउछन अबिर लिएर ।