लमजुङ । मध्यनेपाल-६, भोर्लेटारस्थित लालीगुराँस बहुउद्देश्यीय सहकारी संस्था लि.प्रति स्थानीय उपभोक्ताले असन्तुष्टि व्यक्त गरेका छन् ।

बुधबार सहकारीले मल बाँड्ने क्रममा मूल्यमा बार्गेनिङ गरेको भन्दै स्थानीयले असन्तुष्टि व्यक्त गरेका हुन् । स्थानीय तुल विकलगायतका व्यक्तिहरूले सहकारीलाई निजी स्वामीत्वको संस्था जस्तो बनाएको स्थानीय र सेयर होल्डरको समेत आरोप छ। केही समयअघि सहकारीमा भएको चोरीको घटनालाई लिएर स्थानीयले सुनियोजित हुन सक्ने आशङ्का गरेका छ्न्।  सार्वजनिक सुनुवाइ नगरी घाटा परिपूर्ति गर्न नाटक गरिएकोसमेत स्ठानीयले आरोप लगाएका छन् । लालीगुराँस सहकारीप्रति स्थानीयले प्रश्न उठाएका छन् । पटक पटक मुद्दा मामिलामा मात्र होमिएको छ स्पष्टीकरण छैन भन्ने जनता र सेयर होल्डरको चर्को आवाज छ।