हाम्रो नगरी (कविता)

              नरिश्वर गौतम

पहाडको बिच समतल राम्रो

सबैको गौरव राजधानी हाम्रो

हरायो पहिचान कला संस्कृति

बढ्दैछ दिनदिन अनेक विकृति ।।

 

पवित्र कन्चन नदी बागमती

इच्छुमति होस् या विष्णुमति

उर्बर भूमि थियो स्वर्गसरि

घरैघरवती अस्तब्यस्त नगरी ।।

 

धुवाँ र धुलो फोहोरको गन्ध

न छ रोजगारी न उद्योगधन्दा

महँगीमा बाँच्लान् गरिब कसोरी

फोहोरावती दुर्गन्धित नगरी ।।

 

हटाई सारा आयातित विकृति

जोगाई पहिचान भाषा कलाकृति

सोचौँ है सबले बनाउने कसोरी ?

चिटिक्क सफा र सुन्दर नगरी ।।

*******************************

(शान्तिपुर गुल्मी हाल : काठमाडौँ)