सरु जलन, बेनी । लायन्स क्लब अफ बेनी महारानीको आज वृक्षारोपण कार्यक्रम सम्पन्न गरेको छ।

बेनी नगरपालिकाको ऎनीखेत देखि डम्बरा सम्मको सडक किनारमा बिभिन्न प्रजातिका बहुउपयोगी बिरुवा कपुरको बोट, कल्की, वर , समी र परिजात लगायतका ८० वटा बिरुवा रोपिएको क्लबका अध्यक्ष  भिम कुमारी सुबेदीले जानकारी दिईन ।

बढ्दो बाताबरण प्रदुषणलाई कम गर्न रुखबिरुवाको महत्त्वपुर्ण भुमिका हुने भएकाले मासिक कार्यक्रम अन्तर्गत बृक्षारोपण गरिको लायन्स क्लबले जनाएको छ ।

कार्यक्रममा क्लबका जोन चियर पर्सन लायन संगीता श्रेष्ठ, उपाध्यक्ष द्वय जुनु उदास श्रेष्ठ र चन्द्रा घले, कोषाध्यक्ष संगीता श्रेष्ठ, पुर्व अध्यक्ष  प्रमिला जोशी श्रेष्ठ र रन्जिता शेरचन, तृतीय उपाध्यक्ष सरिता श्रेष्ठ  लगायत १६ जनाको उपस्थिति रहेको थियो।