पोखरा । चिल्ड्रेन नेपालको आयोजनामा संस्थाको दीगो जिवनस्तर बिकास क्रियाकलापहरुमा महिला र सीमान्तकृत समुहको सहभागिता अभिबृद्दी परियोजना अन्तरगत संस्थाको कार्य क्षेत्र रहेका अन्नपूर्ण गाउँपालिका कास्कीका लेवाडे /फल्लापानी समुदाय र तनहुँको म्याग्दे गाउँपालिका गुन्जरा समुदायका अगुवा कृषकहरुको निम्ति  कचहरी नाटक संस्थाको अन्नपूर्ण १ लेवाडेमा सप्पन्न भएको छ।

संस्थाको फुलबारी स्रोत केन्द्र अन्नपूर्ण १ लेवाडेमा पाँच दिन सम्म संचालित उक्त नाटकको उदेश्य समुदायमा रहेका बिपन्न सीमान्तकृतहरुको समुहहरुले भोगेका समस्याहरुको सहभागितामुलक समाधानका प्रयासहरु प्रबर्द्धन गर्ने,समुदायमा भएका विभिन्न खालका द्वन्द्व ब्यबस्थापन तथा दबिएका बर्गहरुको सशक्तीकरण  र समुदायमा दीगो कृषिको प्रबर्द्धनमा योगदान गर्ने रहेको वरिष्ठ कार्यक्रम अधिकृत शिव शर्मा चापागाईंले बताउनु भयो । परियोजनाले समुदायमा कृषकहरुको निम्ति दीगो अर्गानिक कृषि ,बाताबरण संरक्षण ,जलबायु परिबर्तन न्यूनीकरण एबम समुदायमा पछाडि पारिएका बर्गहरुको सशक्तीकरण,द्वन्द ब्यबस्थापन र सामाजिक रुपान्तरण एबम दीगो आय आर्जन र समृद्धिलाई दीगो बनाउन र समुदायका कृषकहरुलाइ सशक्तीकरण गराउदै समुदायमा अर्गानिक कृषिको प्रबर्द्धन गर्ने र दीगो अर्गानिक  कृषिमा योगदान गर्ने  कुरा वरिष्ठ कार्यक्रम अधिकृत तथा परियोजना सयोजक शिव शर्मा चापागाईंले बताउनु भयो । तिन वटै समुदायका र चिल्ड्रेन नेपालका कर्मचारी समेत गरि १७ जनाको सहभागीता रहेको थियो । समुदायमा घट्ने समस्यालाई बिषय बनाइ समुहमा अभिनय गरिएको थियो । चार  वटा समूहले फरकफरक बिषय उठाइ नाटक तयारी र अभिनय गरेका थिए । नाटक तयारी गरि अभ्यासको लागि समुदायमा प्रदर्शन समेत गरिएको थियो ।उक्त पाँच दिनको तालिम कार्यशालालाई कचहरी नाटकका बिज्ञ  राजकुमार पुडासैनी र नाट्य कर्मी परिबर्तन क्षेत्रीले सहजीकरणमा सहयोग  गर्नु भएको थियो । कार्यक्रमको समापन  संस्थाका महासचिव जयन्द्र भट्टराईको अध्यक्षतामा भएको थियो । उहाँले समुदायमा अर्गानिक कृषिलाई प्रबर्द्धन गर्न यो नाटक एक सहयोगी बन्ने र संस्थाले यस्ता गतिविधिलाई आबश्यकता अनुसार निरन्तर गर्ने कुरा बताउनु भएको थियो । संस्थाका कार्यकारी निर्देशक डिल्ली प्रसाद शर्माले  पाँच दिन सम्म अभ्यास र अभिनय गरेको नाटकका तौरतरिकालाई फर्केर समुदायमा प्रयोगमा ल्याइ समुन्नत समाज निर्माण गर्न सबैलाई प्रेरणा मिल्ने कुरामा जोड दिनु भएको थियो । कार्यक्रममा संस्थाका कार्यसमिति सदस्य टेक बहादुर रसाइलीले तालिममा सिकेका कुरा प्रत्यक्ष देखिने गरि कार्यनयनमा ल्याउन सकेमा फलदायी रहने कुरा बताउनु भएको थियो । कार्यक्रमको संचालन सह सयोजक दुमनाथ शर्माले गर्नु भएको थियो ।