भरतपुर । युवा गजलकार मुक्त उदास सम्मानित भएका छन् । गजल मञ्च चितवनले `द्वारिका नेपाल गजल स्मृति पुरस्कार-२०७९´ बाट युवा गजलकार उदासलाई सम्मान गरेको हो । पुरस्कारको राशी १०,०००/- रुपैयाँ र सम्मानपत्र रहेको छ । कार्यक्रमका प्रमुख अतिथि वरिष्ठ गजलकार केशवराज आमोदीले गजलकार उदासलाई दोसल्ला ओढाएर सम्मानपत्र र नगदसहित सम्मान गरेका हुन् । सम्मान कार्यक्रममा स्व. द्वारिका नेपालकी धर्मपत्नी पार्वती अर्याल पनि सहभागी थिइन् ।
गजल मञ्च चितवनका तत्कालीन अध्यक्ष द्वारिका नेपालको गत वर्षको असोज महिनामा मस्तिष्कघातका कारण निधन भएको थियो । नेपालको प्रथम वार्षिकीको अवसर पारेर यो पुरस्कार स्थापना गरि प्रदान गरिएको गजल मञ्च चितवनका कार्यबाहक अध्यक्ष लेखराम सापकोटाले बताए । पुरस्कारको संरक्षकका रूपमा डिला खरेल रहेका छन् । भरतपुर घर भएका खरेल अस्ट्रेलियामा बसोबास गर्छन् ।
चितवनको कालिका नगरपालिका -९ शक्तिखोर निवासी उदास डेढ दशकदेखि गजल लेखनमा सक्रिय छन् । उनले थुप्रै गीतहरू पनि लेखेका छन् । पिंजडा ब्याक अगेन, मेला र झिंगेदाउ जस्ता चलचित्रका लागि पनि उनले गीत लेखेका छन् ।
यहाँ प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक र ट्विटरमा पनि जोडिन सक्नुहुन्छ । हामीसँग तपाईं
फेसबुक र
ट्विटरमा पनि जोडिन सक्नुहुन्छ ।
Advertisement
