सुरज गुरुङ,

लमजुङ। सुन्दर बजार नगरपालिका लमजुङले हिजो पोखरामा यति एयरलाइन्सको दुर्घटनामा परि मृत्यु हुनेहरुको आत्माको चिर शान्तिको कामना गर्दै आज साँझ सिउडिबार चोकमा दिप प्रज्वलन गरेका छन।

दिप प्रज्वलन‌ जहाज र रिप लेखिएको आकार सहितको दिप प्रज्वलन गरिएको र मृतकहरुको आत्माको शान्तिको‌ कामना मौनधारण गरिएको सुनपा नगरकमिटी नेकपा एमाले अध्यक्ष भिमबहादुर गुरुङ र अनेरास्ववियु जिल्ला कमिटीका सदस्य निक्षेप कार्कीले‌ सारंगी न्युजलाई जानकारी दिनुभयाे।

नेकपा एमाले,राष्ट्रिय युवा संघ र अनेरास्ववियु सुनपाको संयुक्त आयोजनामा‌ भएको दिप प्रज्वलनमा‌ नेकपा एमाले जिल्ला कमिटी सदस्य द्वारिका प्रसाद मिश्र, योग बहादुर गुरुङ (कालू), मेन बहादुर घले, शान्ता साप्कोटा, युवा संघ सुनपा ९ वडा कमिटि अध्यक्ष बृषमान घले लगायत युवा विद्यार्थी तथा बुद्धिजीवी वर्गहरु सबैको उपस्थिति रहेको थियो।