बेनी । गण्डकी प्रदेशका हरेक विद्यालयमा संचालित शारीरिक ब्यायाम, कवाज र राष्ट्रिय गान तथा झण्डाको प्रयोगमा एकरुपता ल्याउने उद्देश्यले म्याग्दीमा संचालित विद्यालयस्तरीय सहकार्यकलाप तालिम आज सम्पन्न भएको छ ।
तालिम केन्द्र तनहुँको आयोजनामा बेनीमा संचालित सहकार्यकलाप तालिम समापन सत्रमा बोल्दै तालिम केन्द्र तनहुँका प्रमुख नेपाल हरि रानाभाटले राष्ट्रिय गान तथा झन्डा प्रयोगको समय र विधि बारे बनेको ऎन कार्यन्वयनमा अलमल देखिएकाले सहकर्यलाप तालिम मार्फत एकरुपता कायम हुने बताए ।

कुनै पनि राष्ट्रिय उत्सव,औपचारिक कार्यक्रम, फौजी सामेली, खेलकुद समारोह, गैरसरकारी संस्थाको कार्यक्रम र विद्यालयले हरेक दिन प्रार्थनामा अनिवार्य राष्ट्रिय गान गाउनुपर्ने कार्यविधि छ ।  प्रमुख रानाभाटले विद्यालयको प्रार्थनालाई थप ब्यबस्थित र मर्यादित बनाउन आग्रह गरे । उनले विद्यालयमा विद्यार्थीले राष्ट्रिय गान गाउदा सतर्क अवस्थामा उभिएर शिर ठाडो गरि उच्च र उल्लापुर्ण आवाजमा गाउनु पर्ने बताए ।

सहभागीको तर्फबाट भानु मावी रत्नेचौर , म्याग्दीका सुनिता महत बोगटी र विश्वज्योती मावी सिल्मीका शिक्षक याम बहादुर केसिले मन्तव्य राखेको थिए । उनिहरुले तालिम निकै प्रभावकारी भएको बताए । तालिम थप ब्यबहारिक र प्रभावकारी बनाउन पुर्नताजगी तालिम दिनुपर्ने सुझाए ।

बिस्तारित तालिम केन्द्र बेनिको ब्यबस्थापनमा संचालित तालिममा म्याग्दी, बागलुङ र पर्वत जिल्लाका ३२ विद्यालयका खेल शिक्षकहरु सहभागी  थिए । तालिमको सहजीकरण तालिम प्रमुख रानाभाट, अधिकृत दामोदर कार्की लगायतले गरेका थिए ।