पोखरा । नेपाली लेखक सङ्घ, गण्डकीको सचिवालय बैठक समितिका अध्यक्ष डा ईश्वरमणि अधिकारीको अध्यक्षतामा पोखरामा सम्पन्न भएको छ ।

बैठकले सङ्घका विविध साङ्गठनिक निर्णयहरूसहित आफ्नै आयोजनामा दौँतरी शृङ्खला सञ्चालन गर्ने निर्णय गरेको छ । सकभर यौटै उमेर समूहका साहित्यकारहरूलाई एउटै मञ्चमा कविता, गीत, गजल, मुक्तक, बहस लगायतका विभिन्न आयामहरूमा प्रस्तुत गर्ने लक्ष्य राखिएको उक्त शृङ्खलाको शुभारम्भमा आगामी चैत्र ११ गते शनिबार पोखरामा एक विशेष समारोहका बिच नेपाली कविताका दुइ मानक कविहरू सरूभक्त र तीर्थ श्रेष्ठलाई एकसाथ प्रस्तुत गर्ने कार्यक्रम तय गरिएको छ ।