श्रीकृष्ण आचार्य
दमौली । नेपाल शिक्षक संघका व्यास नगर कार्यसमितिले इसिडी र विद्यालय कर्मचारीका सम्बन्धमा शिक्षक संघका केन्द्रीय अध्यक्ष राजेन्द्र राज पौडेल समक्ष ध्यानाकर्षणपत्र बुझाएका छन् ।
लामो समयसम्म पनि विद्यालय कर्मचारी र इसिडी शिक्षकलाई न्यून तलबमा कार्य गर्न लगाइएको एवं पेशाको सुरक्षाको प्रत्याभूति नभएको भन्दै इसिडी शिक्षकहरु र विद्यालय कर्मचारीको समस्या बुझी सरकार समक्ष आफ्ना कुराहरु पुर्याइदिन ध्यानाकर्षण पत्र बुझाइएको व्यास नगर अध्यक्ष ईन्द्र प्रसाद पौडेलले जनाएका छन् ।
शिक्षक संघले देशभरका इसिडी र विद्यालय कर्मचारीको पक्षमा पैरबी गर्न सहज होस् भनी संघ मार्फत ध्यानाकर्षण पत्र बुझाइएको विद्यालय कर्मचारी संघ तनहुंका अध्यक्ष अमर सुनारले जनाएका छन् । सरकारले अझै पनि इसिडी र विद्यालय कर्मचारीलाई न्यूनतम ज्याला दिन सकिरहेको छैन । पालिका मार्फत १५ हजार पुर्याउने भनिएतापनि सबै पालिकाले उक्त रकम सम्बोधन गर्न नसकेको शिक्षक एवं कर्मचारीहरूको गुनासो छ।
यहाँ प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक र ट्विटरमा पनि जोडिन सक्नुहुन्छ । हामीसँग तपाईं
फेसबुक र
ट्विटरमा पनि जोडिन सक्नुहुन्छ ।
Advertisement
