सार्दिखोला सहकारीको सेवाकेन्द्र खोरामुखमा – Sarangi News

पोखरा । माछापुच्छ्रे गाउँपालिका वडा नं. २ मा प्रधान कार्यालय रहेको सार्दिखोला बचत तथा ऋण सहकारी संस्थाले एक समारोह आयोजना गरी माछापुच्छे गाउँपालिका वडा नं ८, खोरामुखमा सेवा केन्द्रको समुद्घाटन गरेको छ ।
उक्त कार्यक्रमका प्रमुख अतिथि माछापुच्छ्रे गाउँपालिका उपाध्यक्ष सिता अधिकारीले सेवाकेन्द्रको उद्घाटन गर्दै सहकारीले पुर्याएको सेवाको मुक्त कण्ठले प्रशंसा गर्नुभयो । मन्तव्यका क्रममा उहाँले गाउँपालिका भरि भएका सहकारीको अनुगमनको क्रममा यस सार्दिखोला बचत तथा ऋण सहकारी संस्था उत्कृष्ट रहेको पाईएको र सहकारीको प्राण नै बचत भएकाले सदस्यहरुलाई नियमित बचत गर्न आग्रह गर्नुभएको थियो ।

माछापुच्छ्रे गाउँपालिकाभरि कार्य क्षेत्र रहेको सो सहकारीले सामाजिक उत्तरदायित्व अन्तर्गत त्यस भेगमा वातवरणीय सरसफाइ, रक्तदान, कृषकलाई बिउ बीजन वितरण, छात्रवृत्ति प्रदान तथा स्टेशनरी वितरण जस्ता रचनात्मक कार्यक्रम गर्दै आएको छ । उक्त अवसरमा समेत सहकारीले शहीद हरि प्रसाद आधारभुत माविमा अध्ययनरत दुई जना छात्रछात्रालाई जनही ५ हजारका दरले छात्रवृत्ति प्रदान गरेको सहकारीका प्रमुख कार्यकारी अधिकृत गोबिन्द राज आचार्यले जानकारी दिनुभयो । सहकारीका अध्यक्ष सर्वजीत गुरुङको अध्यक्षतामा सम्पन्न उक्त कार्यक्रममा संस्था प्रवद्र्धन तथा खोज बिशेष समितिका संयोजक सन्तोष आचार्यले स्वागत मन्तब्य प्रस्तुत गर्नुभएको थियो तथा समाजसेवीहरु अप्सरा गौतम लामिछाने, जितबहादुर क्षेत्री, दुर्गाबहादुर गुरुङ र बलराम रानाभाटले शुभकामना मन्तव्य राख्नु भएको थियो भने सञ्चालन संस्थाका सचिव रामप्रसाद आचार्यले गर्नु भएको थियो ।

प्रतिक्रिया

सम्बन्धित खवर

ताजा अपडेट
धेरै पढिएको

प्रथम वसन्त स्‍मृति कपको उपाधी करापुटार भेटरान्सलाई।

जिल्ला स्तरिय तेकवान्दो प्रतिष्पर्धा हिमाली बोर्डिङमा सम्पन्न।

बुद्ध आविमा पाहार ट्रसको स्थलगत अध्ययन, ८ कोठे अत्याधुनिक विद्यालय भवन बन्दै !

भोर्लेटारमा एक दिने स्वास्थ्य सिविर सम्पन्न।

अनुपम म्युजिकको २०२ औँ तालिम सम्पन्न

भोर्लेटारमा प्रथम वसन्त स्‍मृति भेटरान्स कप शुरु।


TOP