पोखरा  । नेपाल रेडक्रस सोसाइटी माछापुच्छ्रे गाउँपालिका- ४, लाहाचोक उपशाखाको १८  औँ साधारण सभा सम्पन्न भएको छ ।

महेन्द्र माविको सभाहलमा सम्पन्न उपशाखाको  साधारण सभाको अवसरमा उपशाखाले पूर्व सभापतिहरू यदुराम अधिकारी, लीलाधर अधिकारी र नारायणप्रसाद पौडेललाई सम्मान गरेको थियो भने गाउँमा विभिन्न सामुदायिक सेवाका साथ जुनसुकै अवस्थामा पनि उद्धार सहयोगमा भूमिका खेल्ने एम्बुलेन्स चालक सुशील श्रेष्ठलाई सम्मान  गरेको छ । उपशाखामा २७ जना नया आजीवन सदस्यहरूलाई सदस्यता को प्रमाण पत्र वितरण गरिनुको  साथै १८ औं साधारण सभा  पूर्व  आयोजित निबन्ध लेखन प्रतियोगितामा उत्कृष्ट प्रथम, द्वितीय र तृतीय विद्यार्थीहरूलाई पुरस्कार वितरण गरिएको थियो ।

नेपाल रेडक्रस सोसाइटी कास्की शाखाको उपसभापति उर्मिला खड्का भण्डारीको प्रमुख आतिथ्यमा सम्पन्न कार्यक्रममा संस्थाका सभापति केशवराज पौडेलले संस्थाको गतिविधि र भावी कार्ययोजना प्रस्तुत गररेका थिए । कोषाध्यक्ष श्रीकान्त पौडेलले संस्थाको आर्थिक  गतिविधिको बारेमा जानकारी गराएका थिए । विशेष अतिथिको मन्तव्य दिँदै  विशेष अतिथि कार्यवाहक वडा अध्यक्ष रवि अधिकारीले क्यान्सर पीडितलाई आफूले प्राप्त गर्ने पारिश्रमिक एक महिनाको पुरै सहयोग गर्ने र उपशाखाबाट सुरु गरिने राहत कोषमा रु. तीन हजार  प्रदान गर्ने घोषणा गरेका थिए । उपशाखाका सभापति  केशवराज पौडेलको अध्यक्षतामा सम्पन्न कार्यक्रमको सञ्चालन कृष्णप्रसाद अधिकारीले गरेका थिए ।