तीन मुक्तक

                                       – गङ्गा लिगल

अर्काको   घाउमा नुन चुक नछर ए मान्छे

दु: खीको  पाउमा  प्रहार  नगर ए मान्छे

सुख  र  दु:ख त   सबैलाई   हुने गर्छ नै

अरूको त्यो दु:खमा नपार जहर ए मान्छे

वसन्त आउदै  जाँदै  गर्छ जीवन जस्तै

समयको चक्र घुम्दै सर्छ जीवन जस्तै

जीवनको अपरिहार्यतालाई साथ दिन्छ

सबै बस्तु जाग्छ अनि मर्छ जीवन जस्तै

अनुशासन मान  हो मानव  जीवनको

यो  त ठुलो आन  हो मानव जीवनको

यस्लाई बहुमूल्य ठानी सँगाल्दै लगेमा

यो सौन्दर्यको शान हो मानव जीवनको ।