सुरेन्द्र सदिच्छा
पोखरा । पोखराको फूलबारीमा अवस्थित कञ्चनजंघा इङ्लिश बोर्डिङ स्कुलमा मंगलबार वार्षिक कार्यतालिकाअनुसार आधारभूत तह स्तरीय अन्तरसदनात्मक नेपाली हिज्जे प्रतियोगिता  सम्पन्न भएको छ।
कार्यक्रम प्रमुख अतिथि विद्यालयका प्रिन्सिपल  मित्रलाल पोख्रेलले पहिलो शब्द प्रतियोगी विद्यार्थीलाई सोधेर उद्घाटन गरेका थिए ।
प्रतियोगितामा पहेँलो सदनका सुजाता कोइराला,सुम्निमा तामाङ, सम्रता गुरुङ र मिस्याल श्रेष्ठको समूह प्रथम भएका थिए भने हरियो सदनका रुपेश यादव, विश्लेशा तुलाधर, एरिका गुरुङ र किस्मल तामाङको समूह द्वितीय भएका थिए।
कार्यक्रममा नेपाली विषय विभागीय प्रमुख सावित्रा शर्मा र शिक्षक सुरेन्द्र सदिच्छा हिज्जे मास्टर रहेका थिए । शिक्षक अमृत जी.सी., समय पालक र शिक्षक नवीन न्यौपाने अङ्कनमा रहेका थिए । विद्यालय सञ्चालक समितिकी अध्यक्ष लक्ष्मीदेवी गुरुङको अध्यक्षतामा सम्पन्न कार्यक्रममा प्रमुख अतिथि पोख्रेलले विजयी विद्यार्थीलाई बधाई दिँदै यस्ता खालका कार्यक्रममार्फत विद्यार्थीमा नेपाली भाषाको शुद्धतामा विशेष फाइदा पुग्ने कुरामा जोड दिएका थिए ।