तमानखाेला, बागलुङ । श्री बुद्ध बाल क्लबको आयोजनामा तमानखाेला गाँउपालिका–१, स्याउलामा शुक्रबार विविध खेलकुद कार्यक्रम सम्पन्न भएको छ ।

तमानखाेला गाँउपालिका–१, स्याउला स्थित श्री बुद्ध आधारभूत विद्यायलयमा गठित क्लबले अतिरिक्त क्रियाकलाप अन्र्तरगत शुक्रबार अन्तर सदनात्मक छात्र /छात्रा भलिवल तथा भित्रबाहिर खेल सम्पन्न गरेको हो ।

छात्र भलिबल प्रतियोगितामा नावाचुली सदन पहिलो, बराहताल सदन दोस्रो र नौडल्ले सदन तेस्रो भयो । छात्रातर्फ भने नौडल्ले सदन प्रथम र बराहताल सदन दोस्रो भएकाे क्लबका अध्यक्ष मिलन राेकाले जानकारी दिए ।

अर्को शुक्रबार क्लबले विज्ञान प्रर्दशनी र भाद्र २९ गते राष्ट्रिय बाल दिवस तथा हरितालिका तीज २०८० को अवसरमा बाल बिबाह अन्त्यका लागि सचेतनामूलक तीजगीत प्रतियोगिता, खेलकुद तथा विविध सांस्कृति कार्यक्रम आयोजना गर्ने क्लबका सचिव पुष्पाअञ्जिली सिउतानीले जानकारी दिइन ।