सुनिता निरौला पौडेलको लघुकथाः तीजको कोसेली – Sarangi News

Trend

लघुकथा

“हेर बुढी ! पोहोर सालमा पनि बहिनीलाई आउली भनेको आईन । यो सालमा त लिनै जानुपर्यो । बा आमा हुनुहुन्न, त्यसमाथि मैले लिन गइन भने उनलाई कति पिर पर्ला ।”

“आ … बुढो किन जानुपर्यो लिन । गाउँमा कति काम होला भो पर्दैन ।” रोष प्रकट गरिन् उनले ।

“के भनेकी हौ तिमीले बूढी ? चाडबाड त चेलीको अधिकार हो । ल म लिन गएँ है । ”

“दाजु नमस्कार !, अनि भाउजू सन्चइ हुनुहुन्छ नि?”

“सन्चै छ बा । तीज लागि सक्यो , म तिमीलाई लिन आएको । ल छिटो तयार हौ त ।”

“ए! तर दाजु घरका सबै काम असरल्ल छ। म हिँडे भने बिचल्लि हुन्छ ।” बहिनीले पन्छिन खोजिन् ।

“गरिबी जीवन जिउँदै गरेकी बहिनीले किन पन्छिन खोजेको” भन्ने कुरा ठम्याउन उसलाई गाह्रो भएन ।

स्वाबलम्बी संस्कारकी, पहिला पनि आर्थिक सहयोग गर्न खोज्दा पटक्कै मानिनन् ।

“के सोच्न थाल्नु भयो दाजु?”

“ए ! केही हैन । तिमीलाई एउटा कुरा दिनु थियो । बाआमाले मर्नु अगाडि तिम्रो नाममा अलिकति रकम मुद्द्तीमा राखिदिनु भएको रहेछ । भर्खरै मात्र थाहा पाएँ । “

“यो बाआमाको अन्तिम नासो लिन्न नभन ,अनि जसरी नि यो पटक माईतीमा तीज मनाउन आउ है !”

भक्तपुर ।

यहाँ प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक र ट्विटरमा पनि जोडिन सक्नुहुन्छ । हामीसँग तपाईं फेसबुक र ट्विटरमा पनि जोडिन सक्नुहुन्छ ।