मुक्तक १
सम्बन्धमा पानीको फोका नहोस्
कुण्ठमा गुनासोको पोका नहोस्
सँगै जीवन काट्न नपाए पनि प्रिय,
मेरो चोखो पिरतीमा धोका नहोस् |
मुक्तक २
जस्तो कानुन बनाए पनि चल्छ नेपालमा
सोझा साझालाई अति नै छल्छ नेपालमा
निमुखाहरू माथी अत्याचार हुन थाले पछि,
बेला बेला सडकतिर टायर बल्छ नेपालमा |
मुक्तक ३
मिल्छ भने पायक पर्ने ठाँउमा स्कुल बनाइदिनु
मिल्दैन भने तुइन हटाइ मजबुत पुल बनाइदिनु
ज्यान जोखिममा पारेर कहिले सम्म नदि तर्नु ?
ए सरकार ! यो समस्या चाँडो निर्मुल बनाइदिनु
मुक्तक ४
कन्जुस्याइँ गरेर अत्यधिक सम्पत्ति जमाए पनि
कहिल्यै पुग्दैन मान्छेलाई जति धन कमाए पनि
सार्थक जीवन जिउन मनै देखी सन्तुष्ट हुनुपर्छ,
नत्र अर्थहिन हुन्छ जीवन बाहिर जती रमाए पनि |
पु.ब.न .पा – १ प्रगतिनगर स्याङ्जा
यहाँ प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक र ट्विटरमा पनि जोडिन सक्नुहुन्छ । हामीसँग तपाईं
फेसबुक र
ट्विटरमा पनि जोडिन सक्नुहुन्छ ।
Advertisement
यो खबर पढेर तपाईलाई कस्तो महसुस भयो ?
प्रतिक्रिया
सम्बन्धित खवर
माघ २४, २०८२ शुक्रबार 265 Views
माघ १५, २०८२ बुधबार 130 Views
