पोखरा । गुरुङ साहित्यिक मञ्च नेपालको अध्यक्षमा तेजबहादुर गुरुङ सर्वसम्मत निर्वाचित भएका छन् ।

पोखराको अमरसिंह चोक स्थित लेकाली चुल्हो घरको सभाहलमा शनिबार भएको मञ्चको सातौं साधारणसभा तथा तेस्रो अधिवेशनबाट गुरुङको नेतृत्वमा नयाँ कार्यसमिति चयन भएको हो । उपाध्यक्षमा रोश्मी गुरुङ (रोशनी), महासचिव सम्राट गुरुङ, सचिव मिश्र गुरुङ, कोषाध्यक्ष जसु गुरुङ, सहकोषाध्यक्ष छम गुरुङ, निर्वाचित भएका छन।

त्यस्तै सदस्यहरुमा सदस्य आश गुरुङ, प्रतिमा गुरुङ, पवित्रा गुरुङ र सदस्य सुरज गुरुङ छन्। मिश्र गुरुङले कोशी, छम गुरुङले वाग्मती र आश गुरुङले गण्डकी प्रदेश संयोजकको जिम्मेवारी समेत पाएका छन्। हरिप्रिया गुरुङ सुर्खेत, रुख बहादुर गुरुङ काठमान्डौ,  निरन्जरन गुरुङ सुनसरिलाई पछि बस्ने बैठकले निर्णय गर्ने नव निर्वाचित मन्चका अध्यक्ष तेज बहादुर गुरुङ्ले बताए।

प्रा. डा. गणेशमान गुरुङको प्रमुख आतिथ्यमा भएको कार्यक्रममा गुरुङ साहित्यिक मंच नेपालको “सप्तो” नामक मुख पत्रको समेत बिमोचन भएको छ। सप्तोमा गुरुङ साहित्यकारहरुको लेख रचनाहरु समावेश छन । निवर्तमान अध्यक्ष गौरी सरा गुरुङको प्रधान सम्पादक रहेको मुख पत्रमा रोश्मी गुरुङ(रोशनी) को सम्पादन रहेको छ।

गुरुङ भाषा र साहित्यको उत्थानको उद्देश्यले गुरुङ साहित्यिक मञ्ज नेपाल २०७४ सालमा स्थापना भएको हो ।