बाल गीत : तिहार
सरिता पराजुली
डाँडा पाखा घाम लाग्यो भयो घमाइलो
तिहारको चाड आउँदा हुन्छ रमाइलो
दाजु भाइ दिदी बैनी आपसमा मिली
घर आँगन सफा गरी पारौँ झिलिमिली
सयपत्री मखमली फूल बागभरि
पुतलीले राज गर्छे आई घरिघरि ।
काग तिहार कुकुर तिहार सबै मनाउँछौँ
गाईलाई पूजा गरी आशीर्वाद लिन्छौँ
लक्ष्मीपूजा गर्छौँ बत्ती बाली झिलिमिली
रमाइलो गर्दै खेल्छौँ देउसी अनि भैली ।
सप्तरङ्गी टीका अनि माला लगाएर
टपरीमा सेल अर्सा चाङ लगाएर
काजु बदाम छोडा पनि साथै सजाएर
ल्याएकी छन् मेरी दिदी आफै बनाएर ।
—————————————-
चन्द्रागिरि-१५, काठमाडौँ
यहाँ प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक र ट्विटरमा पनि जोडिन सक्नुहुन्छ । हामीसँग तपाईं
फेसबुक र
ट्विटरमा पनि जोडिन सक्नुहुन्छ ।
Advertisement
यो खबर पढेर तपाईलाई कस्तो महसुस भयो ?
प्रतिक्रिया
सम्बन्धित खवर
बैसाख ५, २०८३ शनिबार 141 Views
चैत्र ३०, २०८२ सोमबार 105 Views
