प्रकाश अधिकारी
तमानखोला, बागलुङ ।
तमानखोला–१,स्याउलास्थित बुद्ध आधारभूत विद्यालयले दोस्रो गाउँपालिका उपाध्यक्षकप प्रतियोगितामा सहभागि तथा विजेता विद्यार्थीहरुलाई एक कार्यक्रमकाबीच सम्मान गरेको छ ।
तमानखोला गाउँपालिकाद्धारा आयोजित दोस्रो गाँउपालिका उपाध्यक्षकप प्रतियोगिता २०८० मा विद्यालयबाट सहभागि भई चित्रकला र चम्चा दौड प्रतियोगितामा तृतिय हुने कक्षा ५ का छात्र गगन घर्तिमगर र कक्षा ५ की छात्रा चन्द्रकुमारी वि.कलाई विद्यालयले थप नगदसहित सम्मान गरेको हो । विजेताले जनही नगद रु ७५० ट्रफी, मेडल र प्रमाणपत्र पाएको विद्यालयले जनाएको छ ।
प्रतियोगितामा समाबेश साविकको प्रा.वि स्तरीय हाजिरी जवाफ, र हिसाब दैडमा सहभागी विद्यार्थीहरु अन्जली विक, चित्र विक, अक बहादुर विक र ओमप्रसाद विकलाई विद्यालयका प्रधानाध्यापक नन्दप्रसाद घर्तिमगरले हौसला स्वरुप अविर टीका र नगदले सम्मान गर्नुभयो ।
प्र.अ. घर्तिमगरले पाठ्यपुस्तक इतर यस्ता प्रतियोगिताले विद्यार्थीको सिर्जनशिलता र कल्पनाशक्ती वृद्धि गर्ने भन्दै आफूहरुले विद्यार्थीको चौतर्फी विकासकालागि हरेक शुक्रबार सहकार्यकलाप संचालन गरिरहेको बताउनु भयो ।
तमानखोला ६ भित्रिवन स्थित श्री डिल्ली आधारभूत विद्यालयमा शुक्रबार संचालन भएको उपाध्यक्षकप प्रतियोगितामा प्रथम वडा नं २ को खोलेस्बाङ आधारभूत विद्यालय भयो भने जनमोति आधारभूत विद्यालय हिजा दोस्रो भए । पालिकाभरका १६ विद्यालयहरु सहभागि भएको कार्यक्रममा सरस्वती आ.वि लाममेला र देउराली आ.वि खुंखानी अंकका आधारमा तृतिय भए ।
तमानखोला गाँउपालिकाका उपाध्यक्ष हिराकुमारी छन्त्यालको प्रमुख आथित्यमा सम्पन्न कार्यक्रमको शिक्षा शाखा प्रमुख दुर्गादत्त घिमिरेले दोस्रो गाउँपालिका उपाध्यक्षकपको संयोजन गर्नुभएको थियो । कार्यक्रममा १६ विद्यालयका प्रअ शिक्षक तथा विद्यार्थीहरुको भव्य उपस्थिती रहेको थियो ।
यहाँ प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक र ट्विटरमा पनि जोडिन सक्नुहुन्छ । हामीसँग तपाईं
फेसबुक र
ट्विटरमा पनि जोडिन सक्नुहुन्छ ।
Advertisement
यो खबर पढेर तपाईलाई कस्तो महसुस भयो ?
प्रतिक्रिया
सम्बन्धित खवर
बैसाख ५, २०८३ शनिबार 117 Views
चैत्र ३०, २०८२ सोमबार 90 Views
चैत्र २६, २०८२ बिहिबार 145 Views
