पोखरा । नेपाल नाई सङ्घ, कास्कीले मङ्गलबार पोखरामा निःशुल्क स्वास्थ्य शिविर सम्पन्न गरेको छ ।

पद्म नर्सिङ होम प्रालिको सहयोगमा नाई सङ्घमा आबद्ध सदस्य र नाई सङ्घका परिवारका लागि आयोजित शिविर १५० जनाको स्वास्थ्य परीक्षण गरिएको थियो । अबदेखि पद्म नर्सिङ होमले नाई सङ्घमा आबद्ध सदस्यहरूलाई परिचय पत्रका आधारमा स्वास्थ्य सेवामा २०% छुट दिन समेत सम्झौता भएको बताइएको छ । नाई सङ्घ, कास्कीका अध्यक्ष विजुलाल ठाकुरको अध्यक्षतामा  सम्पन्न कार्यक्रममा प्रमुख अतिथि नेपाल ट्रेड युनियन गण्डकी प्रदेशका अध्यक्ष मुरारी शर्माले यस्ता कार्यक्रमलाई निरन्तरता दिन आग्रह गरे ।

कार्यक्रममा पद्म नर्सिङ होमका प्रबन्ध सञ्चालक नरेन्द्र बास्तोला, ट्रेड युनियन काङ्ग्रेस, कास्कीका उपाध्यक्ष मनिराम कडेल, नाई सङ्घका केन्द्रीय सदस्य लालबाबु ठाकुरले शुभकामना दिएका थिए ।  कार्यक्रमको सञ्चालन सचिव  रामेश्वर ठाकुरले  गरेका थिए ।