पोखरा । साहित्यकार तथा सारङ्गी न्युजका कलासाहित्य संयोजक रमेशचन्द्र घिमिरेलाई मातृशोक परेको छ ।

उनका भाइ नवीनचन्द्र घिमिरे पनि साहित्यकार हुन् । लमजुङको मध्यनेपाल-६, भोर्लेटारमा रही साहित्य सिर्जना गर्दै आएका साहित्यकारद्वयकी आमा भीष्मकुमारी घिमिरेको ७९ को उमेरमा फागुन १० गते साँझ ६ : ४५ मा पाटन अस्पतालमा उपचारका क्रममा निधन भएको हो । रमेशचन्द्र नेपाली लेखक सङ्घ, गण्डकी प्रदेशका सचिव  उनी मुक्तक मञ्च, लमजुङका अध्यक्षसमेत हुन् । गीत, कविता, मुक्तक, लघुकथा, गजलसँगै विशेष गरी बालसाहित्यमा कलम चलाउने रमेशका घुमाउने घर, सानी पुतलीलगायतका कृति प्रकाशित छन् । उनी ईशानेश्वर बहुमुखी क्याम्पसका प्रमुखका रूपमा कार्यरत छन् । नवीनचन्द्र नेपाली लेखक सङ्घका पूर्व केन्द्रीय सचिव हुन् । नवीनका यात्रासंस्मरण र गीतसङ्ग्रह प्रकाशित छन् ।

 स्वर्गीय घिमिरेका रमेश, नवीन र सुरेशचन्द्र गरी ३ छोरा तथा सुशीला र सरिता गरी २ छोरी छन् ।

सारङ्गी न्युज परिवार स्वर्गीय आमाप्रति हार्दिक श्रद्धाञ्जली तथा शोकसन्तप्त परिवाजनमा गहिरो समवेदना व्यक्त गर्दछ ।