पोखरा । लघुकथा प्रतिष्ठान, पोखराको नियमित लघुकथा वाचनको ५८ औँ शृङ्खला शनिवार सम्पन्न भएको छ ।
प्रतिष्ठानका कार्यवाहक अध्यक्ष कल्याण पन्तको अध्यक्षतामा भएको कार्यक्रममा भाषा आयोगका सदस्य डा. पुष्करराज भट्टले लघुकथा सूत्रात्मक संरचना भएको आख्यानात्मक विधा भएको बताए । ‘कतिपय कथाकारहरू मैले यति नभने पाठकले बुझ्दैनन् भन्ने भ्रम राख्छन्’ उनले भने, ‘चरित्र, परिवेश आदि चित्रण गर्नु लघुकथाको विशेषता होइन ।’ नेपाली लघुकथामा पहिलो पटक विद्यावारिधि गरेका भट्टले लेखक र समालोचकबिच स्वस्थ अन्तरक्रिया हुनुपर्नेमा जोड दिए ।
कार्यक्रममा अल्पविराम पोखरेली, दीपक समीप, शिवु ढकाल, शोभा लामिछाने, ढाकामोहन बराल, गीता तिवारी, विष्णु बास्तोला, किसन पौडेल, श्याम श्रेष्ठलगायतले आफ्ना लघुकथा वाचन गरेका थिए । कार्यक्रमको सञ्चालन सदस्य रुपिन्द्र प्रभावीले गरेका थिए ।
यहाँ प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक र ट्विटरमा पनि जोडिन सक्नुहुन्छ । हामीसँग तपाईं
फेसबुक र
ट्विटरमा पनि जोडिन सक्नुहुन्छ ।
Advertisement
