लमजुङ। बेशीसहर नगरपालिका वडा नं ११ चिति बगैंचाको ६२ बर्षिय सानु नानी घर्तिको २०८१ साउन २९ गते साँझ अन्दाजी २०:३० बजेको समयमा हत्या गरिएको हत्याराको आज पत्रकार सम्मेलन गरि जिल्ला प्रहरी कार्यलय लमजुङ्ले सार्वजनिक गरेको छ।

मृतक घर्तिको भोलि पल्ट बिहान करिब ८:३० बजेको समयमा आफ्नै घरको आँगनमा भाँडा माझ्ने ठाउमा टाउको तथा गलामा धारिलो हतियर प्रयोग भई मृत अवस्थामा काठमाण्डौ जाने सवारी चालक र साहुले बोलाउन जाँदा फेला पारेको र चिती प्रहरी चौकिमा खबर गरेको बुझ्न आएको थियो। चितीबाट खटिएका प्रहरी सहायक निरिक्षक कुमार केसिको टोलिले घटना स्थलमा पुगी शुरक्षित राखिएको थियो। तत्पश्चात प्रहरी नायव उपरिक्षक मीन बहादुर घलेको कमाण्डमा प्रारम्भिक अनुसन्धान थाली थप प्रदेश कार्यलय पोखराबाट प्र नि कमण्डमा केनाईन(तालिम प्राप्त कुकुर) सहितको टोलि माग गरि अनुसन्धान गरिएको थियो। करिब ६/७ घण्टाको विशेष अपरेशन पश्चात् ४७ बर्षिय सुग्गरे सार्किलाई सुन्दर बजार नगरपलिका ६ खत्रीठाँटिबाट भोलिपल्ट ३० गते नै पक्राउ गर्न सफल भएको प्रनाउ घलेले जानाकारी गराउनु भएको थियो।

निज सार्किले २९ गते बेलुका मृतक घर्तिको घरमा २०:३० बजेतिर घरमा पैसा सापट माग्न गएको र मृतक घर्तिले नदिइ हप्काई दप्काई गरि गाली गरेको हुनाले हातमा रहेको खुर्पाले टाउको तथा गलामा प्रहार गरि फरार भएको बयानबाट खुल्न आएको थियो। साथै अपराधिसंग एक थान मोबाईल, हसिया र घटना घटाउदा लगाएको लगाएको कपडा समेत बरामद गरेको छ।

उक्त प्रतिवादी अर्थात अपराधिलाई जिल्ला अदालत लमजुङबाट ज्यान सम्बन्धी कसुरमा सात दिन म्याद थप गरि अनुसन्धान भैरहेको प्रनाउ घलेले सम्मेलन मार्फत जानाकारी गराउनु भएको हो।