लमजुङ। मध्यनेपाल नगरपालिकामा आज दसैं तिहार र चाडवाड लक्षित गरेर मध्यनेपाल नगरपालिका र उध्योग बाणिज्य संघ भोर्लेटार ईकाईले भोर्लेटार रामबजार करापुटार बजार क्षेत्रमा बजार अनुगमन गरेको छ।

सरकारको निर्देशनमा देशै भर खाध्य वस्तुमा अनुगमन भै रहेको अवस्थामा नगर उप प्रमुख सिता गुरुङ, उध्योग बाणिज्य संघ भोर्लेटार ईकाईका अध्यक्ष सरोज पौडेल र ईप्रका भोर्लेटारको उपस्थितिमा बिहान ७ बजे देखी नै गरिएको हो। जसमा बिषेश गरेर कोक जन्य लगायत अन्य पदार्थ जुन चाडवाडमा अधिक रुपमा प्रयोग हुने माथि निगरानी राख्दै अनुगमन गरिएको थियो। अनुगमनमा मिती सकिएका खाध्य पदार्थहरुलाई कम्पनी अर्थात डिलरलाई फिर्ता गर्न अनुरोध गर्दै मुल्य सुची, दर्ता भए नभएको, भ्याट बिल या पान बिल भए नभएको, ग्यास कम्पनिले ग्यास सहि तौल मापन गरेर पठाए नपठाएको लगायत गोदाम समेत चेक गरिएको थियो।