सुरेन्द्र सदिच्छा
पोखरा, फागुन ९ गते । पोखराको गैह्रापाटनमा अवस्थित कुमुदिनी होम्स माध्यमिक विद्यालयले शुक्रवार माध्यमिक तह (९-१२) स्तरीय नेपाली कथा वाचन प्रतियोगिता सम्पन्न गरेको छ ।
विद्यार्थीहरूमा नेपाली साहित्यको रसिलो विधा कथामा पनि रुचि जगाउने उद्देश्यका साथ यस्तो कार्यक्रमको आयोजना गरिएको कुरा विद्यालय संस्थापक अध्यक्ष अशोक पालिखेले बताउनुभयो ।
विद्यालय संस्थापक कुशल पालिखेको अध्यक्षतामा सम्पन्न कार्यक्रममा कक्षा ९ देखि १२ सम्मका जम्मा ३५ जना विद्यार्थीहरुले केही आफै सिर्जना गरेका र केही विभिन्न स्रोतबाट साभार गरी कथा वाचन गरेका कुरा कार्यक्रम संयोजक शिक्षक दिपेन्द्र थापा मगरले जानकारी दिनुभयो । शिक्षकहरू उमा पोख्रेल र अभिशेक विश्वकर्मा निर्णायक रहनुभएको कार्यक्रममा कक्षा ९ (ख) का सक्षम गैह्रे, कक्षा ११ विज्ञान संकायकी अञ्जली सुवेदी,कक्षा ९ (ग) का समर्पण तिमिल्सिना र कक्षा ९ (ख) की निशा छन्त्याल क्रमश: प्रथम, द्वितीय, तृतीय र सान्त्वना स्थान हासिल गरी प्रमाणपत्र, ट्रफी सहित विभिन्न साहित्यिक पुस्तक पुरस्कार प्राप्त गर्न सफल भएका छन् ।
कार्यक्रमका प्रमुख आमन्त्रित व्यक्तित्व विद्यालयका सहप्राचार्य मनबहादुर भुजेलले पुरस्कृत विद्यार्थीहरूलाई बधाई ज्ञापन गर्दै विद्यार्थीमा उत्साहजनक सहभागिताले सकारात्मक ऊर्जा थप्ने कुरामा जोड दिनुभएको थियो । कार्यक्रम कक्षा ९ का विद्यार्थीहरू श्रेया गौचन र रोज्ली लामाले सञ्चालन गरेका थिए ।
यहाँ प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक र ट्विटरमा पनि जोडिन सक्नुहुन्छ । हामीसँग तपाईं
फेसबुक र
ट्विटरमा पनि जोडिन सक्नुहुन्छ ।
Advertisement
