मध्यनेपाल(लमजुङ्ग) मध्यनेपाल नगरपालिका वडा न ४ तिलाहरचोकमा आज बिहान खेत जोत्ने ट्रयाक्टर दुर्घटना हुदा एक चालकको मृत्यु भएको छ ।

घटनाको जानाकारी प्राप्त हुन साथ ईप्रका भोर्लेटारको ईन्स्पेक्टर यम नारायण अर्यालको टोलिले दुर्घटनामा परि अचेत अवस्थामा रहेको चालकलाई तुरुन्तै दमौली अस्पताल पठाईएको थियो भने दमौली अस्पतालले मृत घोषणा गरेको थियो।

मृतक आयुष्मान गुरुङ १९ बर्षको बागलुङ्ग काठेखोला गाउपालिका वडा न ७ घर भई हाल रुपा गाउपालिका वडा न ३ मामा घरमा बस्दै आएको थियो। मृतक गुरुङ केहि बर्ष यता रुपा गाउपालिका र मध्यनेपाल नगरपालिकाका क्षेत्रहरुमा ट्र्याक्टर चलाएर आफ्नो जीविकोपार्जन गर्दै आएका थिए। वडा न ४ का वडा अध्यक्ष राम बहादुर श्रेष्ठका भनाई अनुसार करिब बिहान ८:३० बजे भएको दुर्घटनामा प्रत्यक्ष दर्शीका अनुसार अनियन्त्रित भएर सिधै तल खसेको बताउछन।