प्रिय पुरुष
‎तिम्रो पनि त मन छ ,
‎पीडाहरू पनि हुन्छ होला,
‎कहिलेकाहीँ
‎त सास नै रोकिने गरि मुटु पनि दुख्छ होला,
‎त्यो बेला के गर्छौं…?
‎फेरि तिमीलाई त अनुमति पनि छैन कि,
‎आमाको पछ्यौरीमा लुट्पुटिँदै,
‎काखमा शिर राखेर,
‎भक्कानो छोडेर रून
‎अनि,
‎बाको काँधमा अडेस लगाएर
‎लामो सास फेर्दै पीडाहरू पोख्न पनि त सक्दैनौँ,
‎साँच्चै त्यो बेला के गर्छौं,?!

‎प्रिय पुरुष,
‎तिमीसँग पैसा भएन भने त
‎परिवारको पनि हेला हुन्छौं,
‎त्यो बेला
‎काँधभरी जिम्मेवारी
‎अधुरा सपना
‎रित्तो गोजी
‎मनभरि पीडा
‎अनि हँसिलो अनुहार
‎साच्चै यो सब कसरी सहन सक्छौं,!

‎भन्न त दुनियाँले भन्छन् कि,
‎पुरुष कठोर हुन्छन्,
‎तर मलाई त लाग्छ
‎पुरुष कठोर मात्र नभएर
‎ मजबुत हुन्छन्
‎अनि मजबुर पनि…!

‎ ✍️ सर्मिला सुनार
‎