लमजुङमा ३० जना कैदी तथा थुनुवा नियन्त्रणमा। – Sarangi News

Trend

लमजुङ: जेन जिको भाद्र २३ र २४ गते आन्दोलमा कास्की र तनहुँ कारागारबाट भागेका अर्थात फरार रहेका ३० जना थुनुवा तथा कैदीहरुलाई जिल्ला प्रहरी कार्यालय लमजुङले नियन्त्रणमा लिई कारागार कार्यालय तनहुँमा बुझाएको छ। जसमा कर्तव्य ज्यान मुद्दामा ५ जना, ज्यान मार्ने उद्योगमा १ जना, जवरजस्ती करणीमा ६ जना, लागिऔषधमा ५ जना, चोरीडाँकामा १२ जना, बालबिवाहमा १जना, समेत गरि जम्मा ३० जना कैदिहरु हिजो भाद्र २८ गते ११ जना र आज भाद्र २९ गते १९ जना बुझाएका छन।

देशका विभिन्न कारागार तथा बाल सुधारगृहबाट बाहिर निस्किएका बन्दीहरु/बालबिज्याईकर्ताहरु अविलम्ब आफु बसेको कारागार कार्यालय/बालसुधार गृहको सम्पर्कमा नगएमा आवश्यकताको आधारमा बल प्रयोग गरी नियन्त्रणमा लिईने र सुचना दिई पक्राउमा सहयोग गर्नुहुने नागरिकहरु प्रति हार्दिक आभार सहित फरार भएका कैदीबन्दीहरू आफ्नो छरछिमेकमा आएको जानकारी पाउनुभएमा प्रहरीलाई सूचना दिइ निरन्तर सहयोगका लागि आम जनसमुदायमा अनुरोध गर्दै सुचना दिने ब्यक्ती गोप्य रहने बताउदै लमजुङ जिल्ला प्रहरी कार्यलय लमजुङले जानाकारी गराएको छ।

लमजुङ जिल्लाको कारागर भत्किएर साउन ३ गते १०८ जना कैदिहरु तनहुँ र कास्किको कारागारमा स्थानान्तरण गरिएको थियो भने कारागार हाल निर्माणाधिन अवस्थामा रहेको छ।

यहाँ प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक र ट्विटरमा पनि जोडिन सक्नुहुन्छ । हामीसँग तपाईं फेसबुक र ट्विटरमा पनि जोडिन सक्नुहुन्छ ।