पोखरा। नेपाल तमु (गुरुङ) विद्यार्थी छोंज धीं जिल्ला कार्यसमिति कास्कीले कार्तिक १३ गते भोलि मंगलबार “साँस्कृतिक साँझ-२०८१” कार्यक्रम पोखरा-१०, अमरसिंह चोकको लेकाली चुल्हो घरको हलमा आयोजना गर्ने पुर्ण रुपमा तयारी भएको बताएको छ । कार्यक्रममा गण्डकी प्रदेश सरकार, आर्थिक मामिला मन्त्रालयको माननीय मन्त्री डा. टकराज गुरुङ ज्यूको प्रमुख अतिथ्यता हुने भएको छ।

“बहुजातीय, बहुभाषिक, बहुधार्मिक, बहुसाँस्कृतिक विविधतायुक्त नेपाली समाजमा नेपालको संविधानको मर्मलाई हितमा हुने कार्यक्रम नेपाल तमु (गुरुङ) विद्यार्थी छोंज धीं, जिल्ला कार्यसमिति, कास्कीले ल्याएको हो । प्रथम चरणमा ‘साँस्कृतिक साँझ-२०८१’ ले तमु साँस्कृतिक प्रस्तुती मात्र नभई अन्य जातीय साँस्कृतिक प्रस्तुतीलाई पनि जगेर्ना र सशक्तिकरणको लागि तयारी र कार्यक्रमको मार्फत प्रस्तुती गर्नेछ ।” – अध्यक्ष प्रचण्ड शक्ति गुरुङले बताउनु भएको थियो।

२०८१ भदौ २९ गते शनिबार १६ औँ कास्की जिल्ला अधिवेशनबाट निर्वाचित भएको जिल्ला कार्यसमिति कास्कीले भावी कार्ययोजनामा साँस्कृतिक साँझ, तमु अधिकारको सचेतना, खेमा लिपी प्रशिक्षण, ह्युल्छा मासिक पत्रिका प्रकाशन, आदि तर्जुमा राखेको सचिव प्रितम गुरुङले सारांङ्गी न्युजलाई बताउनु भएको छ।