पोखरा । पोखराको फूलबारीमा सञ्चालित कञ्चनजङ्घा इङ्लिस बोर्डिङ स्कुलमा मङ्गलबार वार्षिक कार्यतालिकाअनुसार आधारभूत तह स्तरीय अन्तरसदनात्मक अङ्ग्रेजी हिज्जे प्रतियोगिता सम्पन्न भएको छ ।

विद्यालयका प्रिन्सिपल मित्रलाल पोख्रेलको अध्यक्षतामा सम्पन्न कार्यक्रममा पहेँलो सदनका जोस्ना गुरुङ, सुशील वि.क.,रुपेश यादव र रेक्सन गुरुङको समूह प्रथम र हरियो सदनका सम्रता गुरुङ, एरिका गुरुङ, सदिक्षा दाहाल र विराज गुरुङको समूह द्वितीय भएका थिए । हिज्जे मास्टरमा अङ्ग्रेजी विषय विभागीय प्रमुख अमृत जिसी र शिक्षिका खेमकुमारी थापा थिए । समय पालक शिक्षक लक्ष्मण बास्तोला र स्कोररमा शिक्षक सुरेन्द्र सदिच्छा रहेका थिए ।

प्रमुख अतिथि तथा विद्यालय सञ्चालक समितिका अध्यक्ष लक्ष्मीदेवी गुरुङले यस्ता खालका कार्यक्रमले विद्यार्थीमा अङ्ग्रेजी भाषाको शुद्धीकरणका लागि महत्त्वपूर्ण भूमिका खेल्ने धारणा राखिन् ।